यी हुन् विश्वका सबैभन्दा धेरै कमाउने १०० खेलाडी, विराट कोहली १०० औं नम्बर

SHARE:
  •  
  •  
  •  

काठमाडौं । फुटबल स्टार लियोनल मेस्सी सर्वाधिक कमाई गर्ने खेलाडी बनेका छन् । अमेरिकन बिजनेस म्यागजिन फोर्ब्सले सार्वजनिक गरेको विश्वको सर्वाधिक कमाउने खेलाडीको सूचीमा अर्जेन्टिना तथा बार्सिलोनाका कप्तान लियोनल मेस्सी सर्वाधिक कमाई गर्ने खेलाडी बनेका हुन् ।

मेस्सीले उनको चिरपरिचित प्रतिस्पर्धी पोर्चुगल तथा युभेन्ट्सका खेलाडी क्रिष्टियानो रोनाल्डोलाई पछि पारे । तथ्यांकअनुसार मेस्सीको बार्षिक कमाई ९९.८ मिलियन पाउन्ड रहेको छ ।

दोस्रो स्थानका रोनाल्डो मेस्सी भन्दा १४ मिलियन पाृउन्डले अगाडि रहेका छन् । रोनाल्डोले ८५.५ मिलियन पाउन्ड कमाइ गरे । अर्का फुटबल स्टार ब्राजिल तथा पेरिस सेन्ट जर्मेनका फरवार्ड नेयमार ८२.५ मिलियन पाउन्डका साथ तेस्रो स्थानमा रहेका छन् ।

मेक्सिकन बक्सर कानेलो अल्भारेज ७३.९ मिलियन पाउन्डसहित आफूलाई चौथो स्थानमा राख्न सफल भए । स्वीस टेनिस स्टार रोजर फेडेरर ९३.४ मिलियन पाउन्डसहित पाँचौ स्थानमा छन् ।

सूचिमा एकमात्र क्रिकेट खेलाडीका रूपमा भारतीय क्रिकेट कप्तान विराट कोहली परेका छन्। फोर्व्सका अनुसार कोहलीको कमाइ २ करोड ५० लाख डलर रहेको छ। उनी यस सूचिको १०० औं नम्बरमा परेका हुन्।

फोर्व्सले मंगलबार सार्वजनिक गरेको सूचि अनुसार कोहलीको कमाइ विज्ञापनबाट २.१ करोड अमेरिकी डलर छ भने पारिश्रमिक तथा जितेका म्याचबाट उनले ४० लाख डलर छ। यो उनको बितेका १२ महिनाको कमाइ हो। गतवर्ष उनी यस सूचिमा ८३ औं स्थानमा थिए। उनको विज्ञापनको कमाइमा यस वर्ष १० लाख डलरको बढेको छ।

सबैभन्दा धेरै कमाउने पाँच खेलाडी

१. लियोनल मेसी, फुटबल, १२ करोड ७० लाख डलर

२. क्रिस्टियानो रोनाल्डो, फुटबल, १० करोड नौ लाख डलर

३. नेमार, फुटबल, १० करोड पाँच लाख डलर

४. क्यानेलो अल्भारेस, बक्सिङ, नौ करोड ४० लाख डलर

५. रोजर फेडेरर, टेनिस, नौ करोड ३४ लाख डलर

Comments

comments

सम्बन्धित शीर्षकहरु