काठमाडौँ– नेपाली सेनाले सञ्चालन गर्ने कठिन तालिममध्येको प्रतिविद्रोह तथा जंगल युद्धकला तालिममा पहिलोपल्ट एक जना महिला सैनिकले सफलता पूर्वक सम्पन्न गरेकी छिन । बाराको अमलेखगन्जमा रहेको प्रतिवि;द्रो;ह तथा जं;गल वारफेयर शिक्षालयमा कात्तिक १८ गतेदेखि सञ्चालित उक्त तालिममा सहभागी राधिका खड्काले पहिलोपटक सहभागी भई सफलतापूर्वक उक्त तालिम पूरा गरेको सैनिक मुख्यालयले जनाएको छ
।
नेपाली सेनाले यसअघि उक्त तालिममा पुरुष सैनिकलाई मात्रै सहभागी गराउँदै आएकोमा यसपटक महिला सैनिकलाई सहभागी गराएको हो । सिन्धुपाल्चोक मेलम्ची नगरपालिका–२ की राधिका २०६९ असार १५ गते नेपाली सेनामा भर्ती भएकी
थिइन ।
सैनिक तालिमपछि २०७० जेठ २४ गतेबाट उक्त शिक्षालयमा कार्यरत रहेकी उनी सोही शिक्षालयमा सञ्चालन भएको तालिममा सहभागी भएर तालिम पूरा गरेको सैनिक प्रवक्ता सहायक रथी सन्तोषबल्लभ पौडेलले जानकारी दिए ।
सोही शिक्षालयमा सञ्चालन भएको उच्चस्तरको शारीरिक एवं मानसिक क्षमता माग गर्ने सिसं १०३ प्रतिविद्रोह तथा जंगल
युद्धकला तालिम सफलतापूर्वक सम्पन्न गरी साहस र जिम्मेवारीको एउटा उल्लेखनीय उदाहरण प्रस्तुत गरेको पनि उनले
बताए ।
तीन महिना अवधि चल्ने अत्यन्तै कठिन मानिएको सो तालिममा जंगल नेभिगेसन, धराप निर्माण गर्ने तथा सर्पदंश
व्यवस्थापनलगायत विभिन्न सैनिक ज्ञान र सीपहरु सिकाउने गरिन्छ । निजले बिल्लादार ग्रेड–३ तथा लाइटमोटर ड्राइभिङ एन्ड मेन्टिनेन्स तालिमसमेत सफलताका साथ सम्पन्न गरेकी छिन ।
