काठमाडौं । नेपाली गीत सङ्गीतको बजार अहिले तीजमय भएको छ । तैपनि एकपछि अर्को सदाबहार गीतहरु प्रतिस्पर्धात्मक रुपमा बजारमा आइरहेका छन। सोही क्रममा केही समय देखि बजारमा हल्ला खल्ला मचाइरहेको गित “भण्डारीको गोठ” सार्बजनिक भएको छ।
छोटो समयमा आफ्नो हाइट बढाउन सफल नेपाली गित सङ्गीत र समाज सेवाको भुमिकामा लडिरहेको इनेपाल खबर प्रालिले ,इनेपाल रोधी घर संचालन साथै बिभिन्न कलाकारहरुको सिर्जनालाई बजार ब्यवस्थापन गर्दै आएको छ । र ‘भन्डारीको गोठ’ पनि इनेपाल खबर को अफिसियल युटुब च्यानल” बाट सार्बजनिक भएको हो ।
कोको, छन त गोठ भित्र ?
बर्तमान बजारलाई गहिराईदेखि नियाल्न सक्ने गायक तथा सर्जक हरि बिमर्शी पृथक आवाज र सृजना मार्फत परिचित छ्न। ओइ भन्यो मायाले, आएन चाइनाको रेल जस्ता हिट गीत पस्किसकेका उनी युवा लक्षित गीतहरु बढी गाउछन। यो गीतमा पनि माया पिरतीको कुरा गर्दै प्रेमिल भावलाई समेटेर प्रेम जोडीको पिरतिको केन्द्र बिन्दु भण्डारीको गोठलाई पात्र बनाएर एउटा मीठो प्रेमरस युक्त प्याकेज बनाइएको छ।
यस गीतमा आवाजमा साथ दिएकी छिन, गायिका बबिना किराँतीले । लोक, रक हिपप, कल्चरल, पुर्बेली सबै खाले गीतमा मीठो आवाज भर्न सिपालु गायिका किराँती छोटो समयमा चर्चाको शिखर चुमेकी गायिका हुन।
गायक बिमर्शीकै शब्दलिपि र लय रहेको यस गीतमा अत्यन्तै ब्यस्त ध्वनी सम्पादक, पछिल्लो समय अत्यधिक रुचाइएको गीत “बाचेर पो पाइदो रैछ दर्शन” नामक गित बाट गायकको रुपमा पनि परिचित नाम ‘एच बि एन किस्मत ‘ ले सङ्गीत संयोजन गरेका हुन भने 1db स्टुडियो सामाखुसीमा रेकर्डिङ भएको हो। अथक मेहेनत गरेर नेपालका जल्दा बल्दा चर्चित अनुहारको संमिश्रण सहित उत्कृष्ट भिडियो बनेको छ ।
प्राप्त जानकारी अनुसार सुपर स्टार पल शाह , चर्चित नायिका गरिमा शर्मा लगायत मोडल निक शर्मा , हास्य बिधामा समेत अब्बल अभिनेत्री तथा मोड्ल अनिता बस्नेतलाई युवा निर्देसक मौसम हिमालीले आकर्षक ढङ्गले प्रस्तुत गरेका छन। त्यस्तै, भिडियोलाई आकर्षक फ्रेममा अजय रेग्मीले खिचेका छन् भने मनोज कार्कीले सम्पादन गरेका हुन् ।
जे होस, हिजो मात्रै रिलिज भएको यस म्युजिक भिडियो धेरै दर्शकले मन पराएको देखिन्छ । अझै यस म्युजिक भिडियोले निकै चर्चा कमाउने र करोडौं दर्शकको मन जित्ने पक्का छ । थप सफलताको लागी भन्डारी को गोठ लाई हार्दिक सुभकामाना।
अब उक्त म्युजिक भिडियो हेर्नुहोस: