काठमान्डौं । चर्चित गायिका लक्ष्मी मल्लको तीज बिशेष नयाँ गीत “मेरो हजुर खाडीमा” सार्वजनिक भएको छ । यस गीतमा लक्ष्मी मल्ल र श्रीकृष्ण बम मल्लको स्वर रहेको छ भने चर्चित संगीतकार श्रीकृष्ण बम मल्ल कै शब्द, संगीत रहेको छ ।
चर्चित निर्देशक एबं मोडल शंकर बिसीको निर्देशन रहेको गीतमा दुर्गा पौडेलको छायांकन, नबिन घर्ती मगरको सम्पादन रहेको छ । उक्त गीतको भिडियोमा महेन्द्र गौतम, करिश्मा ढकाल, सलिना खत्री, सकुना खत्री, एरोना मल्लको अभिनय रहेको छ ।
आफ्नो श्रीमान् खाडीमा भएको र आर्थिक अवस्थाले गर्दा नयाँ साडी फेर्न नपाएको कारणले गर्दा पोहोर कै पुरानो साडीमा चित्त बुझाउनु परेको अवस्थालाई गीतमा समेट्ने प्रयास गरिएको पाईन्छ ।
हरेक नेपालीहरुको यथार्थ कथालाई समेट्दै जे छ त्यहीमा रमाउनुपर्छ र रमाउन सिकौ भन्ने सन्देशका साथ यो गीत निर्माण भएको कुरा निर्माण पक्षले जानकारी गराएको छ । यस गीतलाई श्रीकृष्ण बम मल्ल लक्ष्मी मल्लको युटुब च्यानलबाट सार्वजनिक गरिएको हो ।
सोही गीतको भिडियो हेर्नका लागी तलको लिंक क्लिक गर्नुहोला:
