काठमाडौं । अब्दुल्लाह अलमुताइरी नै नेपाली राष्ट्रिय फुटबल टोलीको प्रशिक्षकको रुपमा रहने भएका छन् ।
उनले ती वर्षका लायिग सम्झौता नविकरण गरेका छन् ।
प्रशिक्षक अलमुताइरीले सामाजिक सञ्जालमार्फत कतार फुटबल संघ र अखिल नेपाल फुटबल संघ (एन्फा) अध्यक्ष कर्मा छिरिङ शेर्पासँग छलफलपछि सम्झौता नविकरण गरेको जानकारी दिएका छन् ।
यसका साथै उनले निकट भविष्यमै दुई वर्षको योजना प्रस्तुत गर्ने बताएका छन् ।
सन् २०२१ को मार्चमा नेपाल आएका अलमुताइरीले नेपाललाई गत महिना साफ च्याम्पियनसिपको उपविजेता बनाएका थिए ।
नेपाल इतिहासमा पहिलो पटक साफको फाइनलमा पुगेको थियो ।
नेपालले अब एसियान कप छनोटको तेस्रो चरण खेल्ने कार्यक्रम छ ।
साफ च्याम्पियनसिपमा नेपाली टोली सम्हाल्ने १२ प्रशिक्षक मध्ये फाइनल पुर्याउने उनी पहिलो प्रशिक्षक बनेका थिए ।
भारतसँगको फाइनल ३–० ले गुमाएको नेपालसँग समग्रमा उनको नतिजा ११ खेलमा ३ जित, २ बराबर र ६ हार रहेका छन् ।
