काठमान्डौं । एमाले अध्यक्ष केपी शर्मा ओलीले भोली बिहान मात्रै बालुवाटार छाड्ने भएका छन् । तयारी नपुगेका कारण ओलीले भोलि बिहान ११ बजेमात्रै बालुवाटार छाड्ने भएका हुन् । यसअघि ओली आज नै बालुवाटारबाट विदा हुने जनाइएको थियो ।
अध्यक्षका सञ्चार विज्ञ रामशरण बजगाईंले भने, ‘तयारी नपुगेको कारण प्रधानमन्त्री भोली बिहान ११ बजे मात्रै आफ्नो निवास सर्नुहुनेछु, आज दिउँसो उहाँले देशवासीको नाममा सम्बोधन गर्ने कार्यक्रम छ ।’
राष्ट्रपति विद्यादेवी भण्डारीले नेपाली कांग्रेसका सभापति शेरबहादुर देउवालाई प्रधानमन्त्रीमा नियुक्त गरेकी छन् । उनले संविधानको धारा ७६ को ९५० अनुसार देउवालाई प्रधानमन्त्रीमा नियुक्त गरेकी हुन् ।
प्रधानमन्त्रीमा नियुक्त भएका देउवालाई आजै शपथ ग्रहण गराउने तयारी भएको छ । देउवा पाँचौं पटक प्रधानमन्त्रीमा नियुक्त भएका हुन् ।
Facebook Comments Box
