काठमाडौं । किरण गजमेर नेपाली फ्रेन्चाईज टेलिभिजन रियालिटी शोहरुमा उत्कृष्ट मानिएको ‘भ्वाइस अफ नेपाल’ तेस्रो संस्करणको बिजेता बनेका छन । विभिन्न चरणहरु पार गर्दै आज शनिबार ग्रान्ड फिनाले भएको हो । गएको शुक्रबार प्रसारण भएको सेमिफाइनल एपिसोडबाट ४ जना फाईनलमा पुगेका थिए ।
आज सो ४ जनामध्येबाट किरण गजमेरले भ्वाइस अफ नेपाल(३ को उपाधी हात परेका हुन् । आज भएको ग्रान्ड फिनालेमा किरणले तारा शिरिस मगर, ज्वाला राई र आर्यन तामाङलाई पछि पार्दै भ्वाइस अफ नेपाल सिजन–३ को विजेता बनेका हुन् ।उनले उपाधीसँगै २५ लाख रुपैयाँ जितेका छन् ।
उनी कोच प्रमोद खरेलको टिमका प्रतिस्पर्धी हुन् । टीम प्रमोदबाट किरण गजमेर, टीम दीपबाट दार्जलिङका आर्यन तामाङ, टीम राजुबाट बाग्लुङकी तारा श्रीष मगर र टीम तृष्णाबाट ज्वाला राई फाइनलमा प्रवेश गरेका थिए ।
विगतका संस्करणहरुमा केही विवाद र आलोचना खेपेको यो शोले यसपटक भने खासै यो झमेला सहनु परेन । केहिसमय को’रोना कहरका कारण शोका केही एपिसोडहरु प्रसारण बन्द भएका थिए । शोका कोचहरु दिप श्रेष्ठ, प्रमोद खरेल, राजु लामा र तृष्णा गुरुङ रहेका थिए ।
