काठमाडौँ । तीनजना कम्युनिष्ट नेता तथा पूर्व प्रधानमन्त्रीहरुले आज (बिहीबार) एकै मञ्चबाट सम्बोधन गर्ने भएका छन्।
पूर्व प्रधानमन्त्रीहरु माधवकुमार नेपाल, पुष्पकमल दाहाल ‘प्रचण्ड’ र डा. बाबुराम भट्टराईले एकै मञ्चबाट सम्बोधन गर्न लागेका हुन्।
समाजवादी केन्द्रले नेपालले आयोजना गर्न लागेको ‘एक्काइशौँ शताब्दीको मार्क्सवाद र समाजवाद’ विषयक अन्तरक्रिया कार्क्रममा यी तीन नेताहरुले सम्बोधन गर्न लागेका हुन्।
बिहान ११:३० बजेदेखि दिउँसो २:३० बजेसम्म नेपाल प्रज्ञा प्रतिष्ठान, कमलादीमा कार्यक्रम हुन लागेको हो।
उक्त अन्तरक्रिया कार्यक्रममा वामदेव क्षेत्री (घिमिरे) द्वारा लिखित ‘कृषि र समाजवाद’ नामक पुस्तक पनि विमोचन हुने कार्यक्रम पनि रहेको छ।
Facebook Comments Box
