काठमाडौं । नेकपा (माओवादी केन्द्र) को भातृ संगठन योङ कम्युनिस्ट लिग (वाइसियल)को पहिलो केन्द्रीय समितिको बैठक आज बस्ने भएको छ ।
आज ११ बजे राजधानीको गौशालास्थित अनुपम फुडल्याण्डमा बस्ने बैठकले संगठनको नेतृत्व चयन ‘फाइनल’ गर्ने अध्यक्षका दावेदारसमेत रहेका सुबोध शेर्पालीले नेपालवाचलाई बताए ।
उनका अनुसार आजको केन्द्रीय समितिको पहिलो पूर्ण बैठकले पदाधिकारी चयनलाई अन्तिम रुप दिनेछ ।
गत मंगलबार सम्पन्न भएको वाइसियलको राष्ट्रिय भेलाले २३१ सदस्यीय केन्द्रीय समिति चयन गरेको थियो । तथापि, दावेदारबीच सहमति जुट्न नसक्दा नेतृत्वसँगै पदाधिकारी चयन गर्न भने सकेको थिएन ।
अध्यक्ष पदका लागि शेर्पालीसँगै, सुमन देवकोटा र यशोेदा न्यौपाने दावेदार छन् ।
त्यस्तै, महासचिवका लागि गणेश शमही, कसम गुरूङ, नवराज ढुङ्गाना, मिङ्मादुण्डु शेर्पा पर्धिस्पर्धामा छन् ।
Facebook Comments Box
