काठमाडौँ । नेकपा माओवादी केन्द्रका अध्यक्ष पुष्पकमल दाहाल प्रचण्डले माओवादीलाई आगामी चुनावमा १ नम्बरको पार्टी बनाउछु भनेर उद्घोष गरेको भोलीपल्ट देखि नै चमत्कार हुन थालेको छ ।
जुम्लाको एउटा गाउँ पुरै माओवादीमय भएको छ । पातारासी गाउँपालिकाको पटमारा गाउँ पुरै माओवादीमय भएको हो । नेकपा एमाले र नेपाली कांग्रेस परित्यार गरी गाउँका २७ जना नेता कार्यकर्ताले नेकपा माओवादी केन्द्रमा प्रवेश गरेपछि गाउँ पुरै माओवादीमय भएको हो ।
मंगलबार पटमारा गाउँमा आयोजित कार्यक्रम उक्त गाउँका नेता तथा कार्यकर्ताहरुले नेकपा माओवादी केन्द्र प्रवेश गरेका हुन् । सबैभन्दा बढी नेपाली कांग्रेस र एमालेबाट प्रवेश गरेका छन् । भने, केहीले अन्य पार्टीबाट प्रवेश गरेका हुन् ।
प्रवेशीहरुलाई माओवादी केन्द्रका नेता तथा कर्णाली प्रदेश सरकारका पूर्व आन्तरिक मामिला तथा कानुन मन्त्री नरेश भण्डारीले स्वागत गरेका थिए ।
प्रवेशीहरुले माओवादीको सिद्धान्त र विचारलाई आत्मसात् गर्ने बताएका छन् ।
