काठमाडौं । नेकपा (एकीकृत समाजवादी) पार्टीकी सचिव रामकुमारी झाँक्रीले एमालेले भ्रष्टाचार गरेर कमाएको पैसा विधान महाधिवेशन सम्मेलनमा खर्च गरेको आरोप लगाएकी छन ।
उनले सरकारमा रहँदा एमालेले भ्रष्टाचार गरेर कमाएको पैसा विधान सम्मेलनमा खर्च गरेको आरोप लगाएकी छन् ।
‘निःशुल्क खोल्न मिल्ने ईमेल खोलेको रकम करोडौँ देखाएर भ्रष्टाचार गर्न खड्गप्रसाद ओली अग्रसर हुनुभयो’, उनले भनिन् । ओलीमा इमान्दारी, सुशासन भन्ने शब्द नभएको उनले बताइन् ।
रत्ननगर नगर कमिटीले आइतबार आयोजना गरेको नगर कमिटी घोषणा कार्यक्रममा उनले नेकपा (एस) पार्टी इमान्दार कम्युनिस्टहरूको साझा पार्टी हुने दाबी गरेकी हुन् ।
आउने निर्वाचनबाट आफ्नो पार्टीले नयाँ उचाइ लिने भन्दै आफ्नो पार्टीमा गोलबद्ध हुन एमालेमा रहेका इमान्दार नेता, कार्यकर्तालाई अनुरोध पनि गरिन् । एमाले र योभन्दा बाहेकका अन्य पार्टीका कम्युनिस्टहरूलाई नेकपा ९एस०मा आबद्ध हुन उनको अनुरोध छ ।
ओली एजेण्डाविहीन भएको बताउँदै नेतृ झाँक्रीले आगामी चुनावमा बुर्का ओडेर ओलीलाई भोट माग्न आग्रह गरेकी छन् ।
माधव नेपालको साथ छाडेका नेताहरू छिटै फर्किने दाबी उनको छ । ‘अध्यक्षज्यूले धेरै केही नभन्नुहोस्, उहाँहरू फर्केर यहीँ आउनुपर्छ भन्नुभएको छ’, उनले भनिन्, ‘म धेरै बोल्दिनँ, फेरि एउटै मञ्चमा बोल्नुपर्ला, सँगसँगै हिँड्नुपर्ला ।’
