रोनाल्डोले कोरोनाले जित्न सकेनन्, बार्सिलोनाविरुद्धको खेल गुमाउने

काठमाण्डाै : कोरोना संक्रमणका कारण क्रिस्टियानो रोनाल्डोले बार्सिलोनाविरुद्ध हुने च्याम्पियन्स लिग खेल गुमाउने भएका छन् । नेपाली समयअनुसार आगामी साता (२९ अक्टुुबर) बिहीबार १ बजेर ४५ मिनेट जाँदा युरोपका दुुई ठूला क्लब युभेन्टस्को मैदान एलिनाज रंगशालामा एकआपसमा भिड्दैछन् ।

अनि युुईएफएको क्लियरेन्स डेडलाईन समाप्त हुँदासम्म रोनाल्डोको रिपोर्ट नेगेटिभ आएको छैन, जसकोे अर्थ उनी बार्सिलोनाविरुद्धको खेल उपस्थित सहभागी हुन पाउने छैनन् । यसअघि समुह चरणमा युुभेन्टस् र बार्सिलोना भिड्ने तय भएलगत्तै रोनाल्डो र लियोनल मेस्सीबीचको प्रतिस्पर्धाका रुपमा यसले चर्चा पाएको थियो । रोनाल्डो रियल म्याड्रिडमा छँदा मेस्सी र उनीमध्ये को उत्कृष्ट भन्ने बहस निकै तातो थियो, २०१८ यता रोनाल्डो युभेन्टस् आए । तर, बहस अझै सेलाएको छैन । तर, अब समर्थकहरुले रोनाल्डो र मेस्सीबीचको खेल हेर्नका लागि दोस्रो लेगको प्रतिस्पर्धा गर्नुपर्नेछ ।

दोस्रो लेग खेल (नेपाली समयअनुसार ९ डिसेम्बरमा) क्याम्प नोउमा हुनेछ । पोर्चुुगलका लागि अन्तर्राष्ट्रिय ड्युटीमा छँदा रोनाल्डोमा पहिलोपटक कोरोना संक्रमण देखिएको थियो र पुन परीक्षण फेरि नतिजा पोजेटिभ नै आएको हो । जसकारण, उनले मैदान छिर्न अझै केही प्रतिक्षा गर्नुपर्ने अवस्था निम्तिएको छ ।

Facebook Comments Box

यो रमाइलो भिडियो हेर्न त छुटाउनु भएन ?

Recommended For You

Leave a Reply

Your email address will not be published.

30 ÷ = three