यो समाचारसँग सम्बन्धी लिङ्ग तल खोलेर हेर्नुहोस्ः माओबादीलाई छाडेपछि एमालेले गुमायो सबै सरकार, केन्द्रदेखि प्रदेशसम्म पूर्ण प्रतिपक्ष
एमालेले गुमायो सबै सरकार, केन्द्रदेखि प्रदेशसम्म पूर्ण प्रतिपक्ष
काठमाडौं । प्रदेश १ का मुख्यमन्त्री भीम आचार्य ६८ दिनमै राजीनामा दिएर सरकारबाट बाहिरिएसँगै प्रमुख प्रतिपक्षी नेकपा ९एमाले० ले सबै प्रदेश सरकार गुमाएको छ ।
तत्कालीन वाम गठबन्धनमा चारवटा प्रदेश सरकारको नेतृत्व गर्ने अवसर पाएको एमालेले तत्कालीन नेकपा र पछिल्लो समय एमालेमै विभाजन आएपछि सबै सरकार छोड्नु परेको हो ।
प्रदेश १ मा एमाले एकल बहुमतमा रहे पनि पार्टी विभाजित हुँदा १० भदौमा नियुक्त आचार्यले छोटो समयमै सरकार छाड्नु परेको हो ।
आचार्यअघि गण्डकीमा पृथ्वीसुब्बा गुरुङ, लुम्बिनीमा शंकर पोखरेल र वागमतीमा अष्टलक्ष्मी शाक्य हटिसकेका छन् ।
संघीय सरकारको समेत नेतृत्व गरेको एमाले अध्यक्ष केपी शर्मा ओलीले गत २८ असारमा सर्वोच्चको परमादेशका कारण सरकार छाड्नु परेको थियो ।
संघ र प्रदेशका सबै सरकार गुमाउनु परेपछि अब एमाले ‘पूर्ण प्रतिपक्ष’ बनेको छ ।
