काठमाडौं । प्रजातान्त्रिक गणतन्त्र कङ्गोमा शान्ति सेनामा कार्यरत प्रहरी उपरीक्षक डा संज्ञा मल्ललाई ११औँ राष्ट्रसङ्घीय महिला प्रहरी अधिकृत पुरस्कार प्रदान गरिने भएको छ ।
संयुक्त राष्ट्रसङ्घीय शान्ति स्थापना कार्यालयले आज एक प्रेस विज्ञप्ति जारी गरी डा मल्ललाई यही कात्तिक २३ गते महासचिव एन्टेनियो गुटरेसले उक्त पुरस्कार प्रदान गर्नुहुने जनाएको छ ।
डा मल्ल कङ्गोस्थित शान्ति सैन्यमा स्वास्थ्य तथा वातावरण एकाइ प्रमुखको भूमिकामा छिन् ।
उनले राजधानी किन्सासामा उक्त एकाइ स्थापनामा महत्वपूर्ण भूमिका निर्वाह गरेकी थिइन् ।
यो पनि पढ्नुहोस:
नारायणकाजीको प्रस्ताव: पार्टी बाहिरका सक्षम व्यक्तिलाई राजदूत बनाऔँ
काठमाडौँ । सत्तासीन गठबन्धनका एक घटक माओवादी केन्द्रका नेता नारायणकाजी श्रेष्ठले गठबन्धन शीर्षस्थ नेताहरूको ‘गठबन्धन’ जस्तो बनेको आरोप लगाएका छन् ।
‘मेरो नेतृत्वमा गठबन्धनको सरकारमा सहभागी हुनुपर्छ’ भन्दै आएका नेता श्रेष्ठ सरकारमा सहभागी हुन नपाएपछि पार्टी अध्यक्ष पुष्पकमल दाहाल ‘प्रचण्ड’ सँग रुष्ट बनेका छन् । यसपछि नेता श्रेष्ठले गठबन्धनको कामको आलोचना गरेका हुन् ।
शुरूका दिनका सबै बैठकहरूमा आफू पनि सधैँ उपस्थित भएको र संघर्ष सफलपछिका कतिपय बैठकहरूबारे आफूलाई जानकारी भएको भन्दै नेता श्रेष्ठले असन्तुष्टि जाहेर गर्दै आएका छन् ।
यसबीचमा गठबन्धनको बैठकमा अघिल्लो सरकारले नियुक्त गरेको सबै राजदूतहरूलाई फिर्ता बोलाउनेबारे छलफल भएको थियो । उक्त बैठकमा नेता श्रेष्ठले सबै राजदूतहरूलाई बोलाउन नहुने अडान लिएका थिए ।
त्यसपछि अर्को बैठकमा भएको छलफल तथा निष्कर्षबमोजिम सरकारले असोज ५ गते १२ देशका राजदूतहरूलाई फिर्ता बोलाउने निर्णय गरेको थियो ।
नेता श्रेष्ठले यसप्रति आपत्ति जनाउँदै यसको विपक्षमा उभिएका छन् । सबै राजदूतहरूलाई फिर्ता बोलाउँदा अघिल्लो सरकारले नियुक्त गरेको सबै राजदूतहरूलाई फिर्ता बोलाउने नजिर बस्ने र त्यो लोकतान्त्रिक नहुने जिकिर नेता श्रेष्ठको छ ।
‘कुनै पार्टीमा नलागेका देशभक्त, स्वच्छ, योग्य र प्रतिभावान् व्यक्तिहरूले राष्ट्रसेवाको अवसर कहिल्यै नपाउने अवस्था बन्छ,’ नेता श्रेष्ठले आफ्नो फेसबूकमार्फत भनेका छन्, ‘अन्यथा यो देश र व्यक्ति दुवैका लागि अन्यया हुन्छ । पार्टी बाहिरका योग्य र सक्षम व्यक्तिहरूलाई राजदूतमा नियुक्त गरौँ ।’
नेता श्रेष्ठले तीन देशका लागि राजदूत नियुक्त गरिसकिएको भए पनि बाँकी देशहरूका लागि नियुक्त गरिँदा पार्टी बाहिरबाट योग्य व्यक्ति छानिनुपर्ने बताएका छन् । उनले भनेका छन् , ‘बाँकी राजदूतहरू नियुक्तिको सम्बन्धमा मेरो समयमै अनुरोध छ । कम्तीमा पनि केही संख्या पार्टीहरूको भागबण्डा भन्दा छुट्टै साझा सूची बनाऔँ ।’
सरकारले गत कात्तिक ७ गते तीन देशका लागि राजदूत नियुक्त गरिसकेको छ । जसमा बेल्जिअम (ईयू) का लागि गेहेन्द्र राजभण्डारी, पाकिस्तानका लागि तापस अधिकारी र जर्मनीका लागि रामकाजी खड्का नियुक्त भएका थिए ।
नेता श्रेष्ठ पार्टीभित्रै पनि खुसी छैनन् । उपप्रधान मन्त्रीसहित थप अर्को मन्त्रालयको दाबी गर्दै आएका नेता श्रेष्ठ सरकारमा सहभागी हुन नपाएपछि रिसिएका छन् ।
