काठमाडौं । नेकपा (माओवादी केन्द्र)का अध्यक्ष पुष्पकमल दाहाल “प्रचण्ड”ले प्रधानमन्त्री केपी शर्मा ओलीको राजनीतिक जीवन अब सकिएको टिप्पणी गरेका छन्।
सोमबार संघीय संसद् भवन नयाँ बानेश्वरमा आयोजित बुद्धिजीवीहरुसँगको अन्तर्क्रियामा उनले नेपालको इतिहासमा कलंकित र बदनाम प्रधानमन्त्रीको रुपमा ओलीलाई चिनिने बताए।
“केपीजी अब सिद्धिनु भयो। नेपालको इतिहासमा बदनाम हुनु हुने भयो। मलाई कहिलेकाहीँ केपीजीलाई यसो सम्झिँदा पनि कठै विचरा भन्न पनि मन लाग्छ। यत्रो वर्ष दुख गर्या हो। १४ वर्ष जेल पनि बस्या होु, प्रचण्डले भने, “दृष्टिकोण, प्रवृत्ति नभएपछि जेल बसेर मात्रै के हुँदो रहेछ र रु उहाँ ओरालो लागेकै बुझ्छु।”
तरपनि, ओलीले अझै षडयन्त्रका गोटी चाल्नका निम्ति जुनसुकै हर्कतमा जाने खतरा पनि रहेको उनले बताए। राष्ट्रपति संस्था यति छिटो बदनाम होला भन्ने आफूले कल्पना समेत नगरेको प्रचण्डको भनाइ छ।
“हामीले जे गरेपनि हुने भन्ने भएको छ नि ! प्रधानमन्त्री र राष्ट्रपति मिलेर जे गर्दे पनि हुने भन्ने भएको छु, प्रचण्डले थपे, “त्यसका निम्ति विभिन्न इन्ष्टिच्युटसँग कुरा पनि गर्नुभयो होला। खतराको घण्टी सिद्धियो। अब हामी सुरक्षित भयौं। हाम्रो संविधान, लोकतन्त्र सुरक्षित भयो भन्ने होइन। अझै ढुक्क हुने स्थिति अझै बनेको छैन।”
यद्पि, संकेत सकारात्मक रहेको उनले बताए। सबै सजकतापूर्वक अगाडि बढ्नुपर्ने उनको भनाइ छ।
