काठमाडौँ । नेकपा माओवादी केन्द्रका अध्यक्ष पुष्पकमल दाहाल “प्रचण्ड”ले प्रधानमन्त्रीसमेत रहेका नेकपा एमालेका अध्यक्ष केपी शर्मा ओलीले सेटिङ छ भन्दै हार स्वीकार गरिसकेको बताएका छन् ।
वुद्धिजीविहरूसँग आज संघीय संसद भवनमा विपक्षी गठबन्धनले गरेको अन्तरक्रियामा दाहालले ओली इमान्दार नभएकाले प्रतिनिधि सभा पुनःस्थापना भइहाल्छ भन्ने अवस्था नरहेको बताए ।
ओलीले स्वार्थका लागि जस्तोसुकै सहमति गर्न पछि नपर्ने उनको भनाइ थियो । ‘ओली बडो विचित्रको मान्छे हो। व्यक्तिगत स्वार्थका लागि जस्तोसुकै सहमति गर्छन्,’ दाहालले भने, ‘जरूरी परेमा माधवजीको खुट्टा ढोग्न सक्छन् । सबै भयो जेपनि गर्छु भन्ने तर केही नगर्ने स्वभाव छ।’
प्रधानमन्त्री ओली गणतन्त्रप्रति पनि इमान्दार नभएको भन्दै उनले आफूले तीन वर्ष ओलीसँग संगत गरेर दुःख पाएको बताए ।
Facebook Comments Box
