झापा । नेकपा एमालेका अध्यक्ष केपी शर्मा ओली आज गृहजिल्ला झापा आउँदै हुनुहुन्छ । प्रधानमन्त्रीबाट हटेपछि एमाले अध्यक्ष पहिलो पटक गृहजिल्ला आउन लाग्नु भएको हो ।
निवर्तमान प्रधानमन्त्री समेत रहेका अध्यक्ष ओली यति एयरलाइन्सबाट बिहान १० बजे भद्रपुरस्थित चन्द्रगढी विमानस्थल आउने र त्यसपछि सोझै बिर्तामोडस्थित सिटी सेन्टरको साई प्यालेसमा जिल्लास्तरीय अगुवा कार्यकर्ता भेलालाई सम्बोधन गर्ने कार्यक्रम रहेको जनाइएको छ ।
अध्यक्ष ओली भदौ २७ गते झापा आउने कार्यक्रम तय भएको थियो ।
विशेष कारणले दुई दिनलाई कार्यक्रम पछि सारिएको नेकपा एमाले झापाका सचिवालय सदस्य शिव ढुङ्गेलले जानकारी दिनु भयो ।
कार्यक्रमका लागि एमाले जिल्ला कार्य समितिले सम्पूर्ण तयारी पूरा गरिसकेको उनले बताए ।
कार्यक्रममा सहभागी पश्चात् अध्यक्ष ओली आजै दिउँसो २ बजे काठमाडौँ फर्किने कार्यक्रम रहेको छ ।
सो अगुवा कार्यकर्ता भेलामा पालिका, जिल्लादेखि केन्द्रीय स्तरको नेता तथा कार्यकर्ताहरूको सहभागिता हुने छ ।
