काठमाडौं । सरिता गिरी माओवादी केन्द्र प्रवेशको चर्चा चलेको थियो ।
पूर्वमन्त्री सरिता गिरीले ‘मधेस विकास फोरम’ नामक संस्था गठन गरेकी छन् ।
वातावरण संरक्षण गर्दै सहभागितामूलक जनमुखी विकास, विधिको शासन र मानव सुरक्षाको सुनिश्चितताका लागि संस्थाले काम गर्ने उदेश्यले संस्था स्थापना गरेको गिरीको भनाई छ ।
गत २६ असोजमा लहानमा भएको एक भेलाले गिरीलाई संयोजकको जिम्मेवारी तोक्दै गठन भएको उक्त संस्थाले देशभर काम गर्ने जनाइएको छ । पहिलो चरणमा प्रदेश २ अन्तर्गत सिरहास्थित लहान नगरपालिकाको २४वटै वडामा संस्था विस्तार गर्ने योजना रहेको संयोजक गिरीले बताइन् ।
भारतले अतिक्रमण गरेको नेपालको भुमि कालापानी, लिम्पियाधुरा र लिपुलेक क्षेत्रलाई समेटेर नयाँ नक्सा जारी गर्दा विपक्षमा उभिएपछि उनी सम्वद्ध दल जनता समाजवादी पार्टी (जसपा) ले सांसद र पार्टीको साधारण सदस्यसमेत नरहनेगरी कारबाही गरेको थियो ।
पार्टीले कार,बाही गरेपछि गिरी सामाजिक गतिविधिमा क्रियाशील भएका हुन् ।
सामाजिक संस्था गठन गरेपछि गिरीले विज्ञप्ति जारी गर्दै जनजीविकासँग जोडिएका विभिन्न विषय समेटेर मागहरु अघि सारेका छन् ।
