काठमाडौं : सरकारले पत्रकारलाई सरकारी अस्पतालमा नि:शुल्क उपचार दिने भएको छ । अर्थमन्त्री विष्णु पौडेलले नेपाल पत्रकार महासंघको सदस्य रहेका पत्रकारलाई सरकारी स्वास्थ्य संस्थामा निशुल्क उपचारको व्यवस्था गर्ने घोषणा गरेका हुन् ।
यस्तै सरकारले सामाजिक सुरक्षा भत्तामा बृद्धि गरेको छ । आर्थिक वर्ष २०७८ र ०७९ को बजेट सार्वजनिक गर्दै अर्थमन्त्री विष्णु पौडेलले सामाजिक सुरक्षा भत्तामा ३३ प्रतिशतले बृद्धि गरिएको जानकारी दिएका छन् ।
जस अनुसार अब बृद्धभत्ता साउनदेखि मासिक चार हजार पुगेको छ । जसका लागि कूल एक अर्ब बजेट छुट्याइएको अर्थमन्त्री पौडेलले जानकारी दिए ।
बालबालिकाको भत्ता, एकल महिलाको भत्तामा पनि बृद्धि भएको छ ।
यस वर्षको बजेटमा पनि १४ वर्षमुनिका बालबालिकालाई मुटुको शल्यक्रियामा निःशुल्क गरिएको छ ।
साथै ७० वर्ष माथिका सबै ज्येष्ठ नागरिकलाई पनि सबै उपचार खर्च निःशुल्क गरिएको छ ।
