चितवन । प्रचण्ड नेतृत्वको माओवादी केन्द्र छाडेका चितवनमा दुई नेता फेरि ने.क. पा माओवादी केन्द्रमा नै फर्किएका छन् । चितवन रत्ननगर जयमंगलाका रमेश रेग्मी ‘अमर’ र इच्छाकामनाका बाबुराम पोखरेल आज संविधान दिवसको दिन पारेर फेरि माओवादी केन्द्रमा फर्किएका हुन् ।
डा. बाबुराम भट्टराईले माओवादी छाडेर नयाँ शक्ति बनाएसँगै उनीहरुले माओवादी केन्द्र छाडेका थिए । दुवै नेतालाई माओवादी केन्द्रका अध्यक्ष पुष्पकमल दाहाल ‘प्रचण्ड’ ले पार्टीमा स्वागत गरेका हुन् ।
रेग्मी बिगतमा माओवादी केन्द्रको जिल्ला कार्यालय सदस्यको रुपमा काम गरेका थिए ।
त्यसैगरी मकवानपुर बाट पूर्वमाननीय प्रलाद लामिछानेलगायत केही नेताहरु ने.क.पा (माओवादी केन्द्र) मा समाहित भएको भरतपुर महानगरपालिकाकी प्रमुख रेनु दाहालले सामाजिक सञ्जालमार्फत जानकारी गराएकी छन् ।
Facebook Comments Box
