काठमाडौं । नेपाली कांग्रेसको १४ औं महाधिवेशन शुक्रबार (हिजो) देखि काठमाडौंमा शुरु भएको छ । कांग्रेसको महाकुम्भ मानिएको जारी महाधिवेशनमा आकांक्षी धेरै देखिएका छन् ।
महामन्त्रीको उम्मेदवारी घोषणा गर्नुभएका युवा नेता तथा पुर्वमन्त्री गगन थापालाई जिताउने अभियान स्वरुप ‘गगन दाइ हाई हाई’ बोलको गीत सार्वजनिक भएको छ ।
भिडियोसहित बजारमा आएको गीतमा गगन थापाकोे आवश्यकता किन त उहाँले जिते देशले के पाउँछ र उहाँ नेतृत्वमा रहदाँ के–के राम्रा काम गर्नुभयो भन्ने केहि विषयबस्तु समेटिएका छन् ।
गीतमा गायिका टिका पुन र कृष्ण रेउलेको स्वर रहेको छ भने अमृत अधिकारीको शब्द रहेको छ ।
गीतको संयोजन दुर्गा रायमाझीले गर्नुभएको छ भने गीतको संगीत शिव हमालले गर्नुभएको हो ।
Facebook Comments Box
