Categories
खेलकुद

सागमा पदक दिलाउने खेलाडी सरकारको पदकबाट टाढा

काठमाडौं-विश्वभर फैलिएको कोरोना भाइरसका बावजुत पनि सरकारले संविधान दिवस भव्यताका साथ मनायो । दिवसको अवसरमा राष्ट्रलाई योगदान पु¥याएका केही मानिस विभूषित भए । नेतृत्व तहका पदाधिकारी पदकबाट विभूषित हुँदा नेपालमा सम्पन्न १३औं सागमा पदक दिलाउने खेलाडी भने पदकबाट टाढा रहेका छन ।

दक्षिण एसियाकै मेगा इभेन्ट मध्येको सागबाट पदक दिलाउँदै देशको गरिमा उच्च बनाएका खेलाडीलाई पदकबाट सम्मान नगरिनु खेलाडीलाई उपेक्षा भएको कतिपयको टिप्पणी रहेको छ । मन्त्रीपरिषद्को सिफारिसमा राष्ट्रपति विद्यादेवी भण्डारीबाट १९ जना खेलकुद क्षेत्रका व्यक्तित्वहरु पदक तथा विभूषणबाट विभूषित भएका छन् ।

तर खेललाई नै जिवन दिएर राष्ट्रका लागि पदक दिलाउन लक्ष्य राखेका खेलाडीलाई विभूषित नगरेको भन्दै आइतबार एनएनआईपिए, नेपाली कांग्रेसले गम्भीर ध्यानकर्षण भएको विज्ञप्ती पनि जारी गरेको छ । राखेपले १३औं सागका ५१ स्वर्ण पदक विजेता र १७ प्रशिक्षकलाई पदकका लागि सिफारिस गरेको थियो ।

Categories
खेलकुद

पुर्व भारतिय क्रिकेटर सुनिल गावस्कर भन्छन् : सन्दिपलाई नेपालबाट हैन भारतबाट खेलाउनु पर्छ ( भिडियो हेर्नुस )

काठमाडौं – भारतका लागि पहिलो विश्वकप उपाधि जिताएका सुनिल गावस्करले नेपाली क्रिकेटर सन्दीप लामिछाने भारतबाट खेलाउन सकिने बताएका छन् । बिहीबार एक अन्तरवार्तामा बोल्ने क्रममा उनले नेपाली स्पिनर सन्दीप लामिछानेलाई भारतीय क्रिकेट टीममा लिँदा फरक नपर्ने बताएका हुन् ।

इन्डियप्रिमियर लिग (आईपीएल) का लागि सन्दीप अहिले युनाइटेड अरब इमिरेट्स (युएई) छन् । आईपीएल भोलिदेखि सुरु हुँदैछ । गावस्करले दिल्लीको टीममा यो सिजनको उपाधि उचाल्न मद्दत गर्न सक्ने क्षमता भएका स्पिनर रहेको बताएका छन् ।

‘दिल्ली क्यापिटल्ससँग धेरै क्षमता भएका स्पिनर छन् । रविन्द्र अश्विन आफ्नो अनुभवले यहाँसम्म आएका छन् । ती बाहेक लेग स्पिनर सन्दीप लामिछाने छन् । जसले अघिल्लो सिजन राम्रो बलिङ गरेका थिए,’ ७१ वर्षीय पूर्व क्रिकेटर तथा कमेन्टेटर गावस्करले भने ।

यही कुरालाई अगाडि तन्काउँदै उनले मजाकका रुपमा भनेको स्पष्ट पार्दै भनेका छन्, ‘यदि इङ्ग्ल्यान्डले स्कटल्याण्ड र आयरल्यान्डका खेलाडीलाई आफ्नो टिममा राख्न सक्छ भने भारतले किन लामिछानेजस्ता नेपाली खेलाडीलाई टिममा राख्न सक्दैन ? लामिछाने राम्रा बलिङ अलराउण्डर हुन्, उनी भारतीय रङमा सुहाउँछन् । मैले जोकका रुपमा भनेको हुँ तर भविष्यमा यी कुराबारे सोच्नपर्छ ।’

उनले सन्दीपको खुलेर प्रशंसा गरेका छन् । उनले सन्दीपले आईपीएलको तेस्रो सिजन खेलिरहँदा बलिङमा निकै धेरै विविधता ल्याएको बताएका छन् । अघिल्लो सिजनमा सन्दीपले आठ खेल खेल्दै १७.२५ को इकोनमी कायम गरेका थिए । सन्दीपले अस्ट्रेलियन बिग बास लिग, क्यारेबियन प्रिमियर लिग, अफगानिस्तान प्रिमियर लिग, पाकिस्तान प्रिमियर लिग जस्ता थुप्रै फेन्चाईजीमा खेलिसकेका छन् ।

Categories
खेलकुद

यी हुन् १२ आईपीएलको संस्करणसम्म बनेका गजबका रेकर्डहरु, कोहली सबैभन्दा फ्लप कप्तान

नयाँदिल्ली, (एजेन्सी) कोरोना भाइरसका दौरान इन्डियन प्रिमियर लिग (आईपीएल) टी–२० क्रिकेट प्रतियोगिताको १३औं संस्करण यसै साता शुरू हुँदै छ। कोरोना भाइरसका कारण यसपटक प्रतियोगिता भारतमा आयोजना नभई यूएईमा हुने भएको हो। यही शनिबार १९ सेप्टेम्बरदेखि शुरू हुने प्रतियोगिताको फाइनल खेल १० नोभेम्बरमा हुनेछ।

प्रतियोगितामा सहभागी ८ टोलीबीच ५३ दिनमा ६० खेल आयोजना हुनेछन्। प्रतियोगिता कसले जित्ने त्यो फाइनल खेलपछि मात्रै थाहा हुनेछ। तर, हालसम्म प्रतियोगितामा सबैभन्दा बढी ४ पटक मुम्बई इन्डियन्सले उपाधि उचालेको छ। मुम्बई इन्डियन्सले २०१३, २०१५, २०१७, २०१९ गरी एक संस्करण ग्याप गरेर उपाधि हात पार्दै आएको छ।

प्रतियोगितामा चेन्नई सुपर किंग्सले २०१०, २०११ र २०१८ मा गरी तीनपटक उपाधि हासिल गरेको छ। चेन्नई सुपर किंग्स लगातार दुई संस्करण उपाधि हासिल गर्ने पहिलो र एक्लो टोलीसमेत हो। टोली फाइनल खेल्ने मामिलामा सबैभन्दा अघि छ। टोलीले १२ सिजनमा ८ सिजन फाइनल खेल्न पाएको छ।

यस्तै, मुम्बई इन्डियन्सले ५ पटक फाइनल खेलेको छ। अन्य टोलीमा कोलकाता नाइट राइडर्सले दुई फाइनल खेल्दा दुवैपटक उपाधि जितेको थियो। तर, रोयल च्यालेन्जर्स बैंगलोरले तीनपटक फाइनल खेले पनि उपाधि भने हासिल गर्न सकेको छैन। राजस्थान रोयल्स र डेक्कन चार्जर्सले एक÷एकपटक फाइनलमा पुगेर उपाधि पनि जितेका छन्।

प्रतियोगितामा सबैभन्दा बढी रन बनाउने ब्याट्सम्यानमा विराट कोहली अग्रपंक्तिमा छन्। कोहलीले १ सय ७७ खेल खेल्दा ५ हजार ४ सय १२ रन बटुलेका छन्। दोस्रो स्थानमा सुरेश रैना रहेका छन्। उनले १ सय ९३ खेलबाट ५ हजार ३ सय ६८ रन बनाएका छन्।

तेस्रो स्थानमा रहेका रोहित शर्माले ४ हजार ८ सय ९८ रन जोडेका छन्। उनले यस सिजनमा ५ हजार रन पार गर्ने पक्का छ। त्यस्तै, डेभिड वार्नरले ४ हजार ७ सय ६ रन र शिखर धवनले ४ हजार ५ सय ७९ रन बनाएका छन्।

प्रतियोगितामा सबैभन्दा विकेट लिने खेलाडीमा लासिथ मालिंगा अघि छन्। मुम्बई इन्डियन्सबाट प्रतिनिधित्व गर्ने उनले १ सय २२ खेल खेलेर १ सय ७० विकेट लिएका छन्। दोस्रो नम्बरमा १ सय ५७ विकेट लिएका अमित मिश्र छन् । तेस्रो स्थानमा पीयूष चावला (१ सय ५० विकेट), चौथो स्थानमा हरभजन सिंह (१ सय ५० विकेट) र पाँचौं स्थानमा ड्वायने ब्राभो (१ सय ४७ विकेट) रहेका छन्।

प्रतियोगितामा छक्का प्रहार गर्ने मामिलामा क्रिस गेलले सबैलाई पछि पारेका छन्। गेलले १ सय २५ खेल खेलेर कुल ३ सय २६ संख्यामा छक्का प्रहार गरेका छन्। उनीपछि एबी डिभिलियर्स (२ सय १२ छक्का) दोस्रो स्थानमा छन् ।

डिभिलियर्सभन्दा गेलले झन्डै १ सय १४ छक्का बढी प्रहार गरेका छन्। तेस्रो स्थानका महेन्द्र ंिसंह धोनीले २ सय ९ छक्का प्रहार गर्दा चौथो स्थानका रोहित शर्माले १ सय ९४ छक्का हिर्काएका छन्। पाँचौं स्थानमा रहेका सुरेश रैनाको छक्का संख्या पनि १ सय ९४ नै रहेको छ। यसपटक सुरेश नखेल्ने भएपछि रोहितले उनलाई पछि पार्ने पनि निश्चित छ।

यसैगरी, प्रतियोगितामा सर्वाधिक शतक प्रहार गर्ने ब्याट्सम्यानको सूचीमा पनि गेल नै अघि छन्। गेलले १ सय २५ खेलमा ६ शतक प्रहार गरेका छन्। अन्यमा विराट कोहलीले ५ शतक प्रहार गरेका छन्। तर, उनले १ सय ७७ खेल खेलेका छन्।

त्यस्तै, डेभिड वार्नर र सेन वाटसनले ४÷४ शतक लगाएका छन् भने एबी डिभिलियर्सले ३ शतक प्रहार गरेका छन्। कोहली लयमा भएको हुँदा उनले यसपटक गेललाई शतक प्रहार गर्ने मामिलामा पछि पार्ने सम्भावना बलियो रहेको छ।

प्रतियोगितामा सहभागी टोलीमध्ये ब्रान्ड भ्यालु सबैभन्दा बढी मुम्बई इन्डियन्सको रहेको छ। टोलीको ब्रान्ड भ्यालु ८ सय ९ करोड भारतीय रुपियाँ रहेको छ। अन्यमा चेन्नई सुपर किंग्सको ब्रान्ड भ्यालु ७ सय ८२ करोड रुपियाँ रहेको छ।

त्यस्तै, कोलकाता नाइट राइडर्सको ६ सय २९, रोयल च्यालेन्जर्स बैंगलोरको ५ सय ९५, सनराइज हैदराबादको ४ सय ८३, दिल्ली क्यापिटल्सको ३ सय ७४, किंग्स इलेभेन पन्जाबको ३ सय ५८ र राजस्थान रोयल्सको २ सय ७१ करोड भारु ब्रान्ड भ्यालु रहेको छ।

Categories
खेलकुद

म्याक्सवेल र क्यारीले किर्तिमानि साझेदारी गरेपछि अष्ट्रेलियाले जित्यो वनडे शिरिज

काठमाडौं । इंग्ल्याण्डविरुद्धको एक दिवसीय सिरिजमा अस्ट्रेलिया विजयी भएको छ । गएराति भएको अन्तिम एक दिवसीयमा इंग्ल्याण्डलाई ३ विकेटले पराजित गर्दै पाहुना टोली अस्ट्रेलियाले २–१ ले सिरिज जितेको हो ।

इंग्ल्याण्डले दिएको ३ सय ३ रनको लक्ष्य अस्ट्रेलियाले अन्तिम ओभरमा २ बल बाँकी छँदा ७ विकेट गुमाएर पुरा गरेको थियो । अस्ट्रेलियाको जीतमा एलेक्स केरी र ग्लेन म्याक्सवेल दुवै जनाले शतकीय पारी खेले । केरीले १०६ रन जोड्दा म्याक्सवेलले १०८ रनको योगदान गरे ।

म्याक्सवेल र क्यारीले छैटौं विकेटका लागि २१२ रनको साझेदारी गरेका हुन्।जुन अष्‍ट्रेलियाका ब्याट्सम्यानले एकदिवसीय अन्तर्राष्ट्रिय क्रिकेतमा छैटौं विकेटका लागि गरेको उच्च साझेदारी हो। यसअघि २००६मा ब्राड हेडिन र माइक हसीले वेष्ट इन्डिजविरुद्ध १६५ रनको रनको साझेदारी गरेका थिए।

केरीको पहिलो एक दिवसीय शतक पनि हो । ७३ रन बनाउँदा ५ विकेट गुमाएको अस्ट्रेलियालाई केरी र म्याक्सवेले २१२ रनको साझेदारी गर्दै जित दिलाउन मद्दत गरेका थिए ।

इंग्ल्याण्डका जोय रुट र क्रिस वार्कसले समान दुई दुई विकेट लिए । टस जितेर पहिला ब्याटिङ गरेको इंग्ल्यान्डले निर्धारित ५० ओभरमा ७ विकेट गुमाएर ३ सय २ रन बनाएको थियो ।

इंग्ल्यान्डका ओपनर जोनी बेयरस्टोले शतकीय पारी खेलेका थिए । उनले १ सय १२ रन बनाए । अस्ट्रेलियाका मिचेल स्टार्स र एडम जाम्पाले तीन तीन विकेट लिए । एजेन्सी

Categories
खेलकुद

भित्रबाट पुरुष भएको भन्दै महिला स्पर्धामा दौड्न प्रतिबन्ध

जुरिच, (एजेन्सी) दक्षिण अफ्रिकाकी ओलम्पिक ८ सय मिटर विजेता केस्टर सेमेन्या अब महिलाहरूसँग दौड्न सक्ने छैनन्। स्वीट्जरल्यान्डको सर्वोच्च अदालतमा उनले मु’द्दा हा’रेपछि उनी महिलाहरूसँग दौड्न नसक्ने भएकी हुन्। अ’दा’ल’तले उनको शरीरमा रहेको पुरुष हर्मोन कम गर्नका लागि उ’पचार आ’दे’श दिएको थियो।

पछिल्लो वर्ष द कोर्ट अफ आर्बिटे«सन फोर स्पोर्ट्स कास) ले सेमेन्यालाई हर्मोन कम गर्न आदेश दिएको थियो। कासले बताएको थियो– ‘सेमेन्याको शरीरमा रहेको पुरुष हर्मोन टेस्टोस्टेरोनलाई औ’षधि उपचार गरी कम गर्नुपर्छ। उनले उक्त आ’दे’शवि’रुद्ध स्वीट्जरल्यान्डको अ’दाल’तमा अपि’ल दर्ता गरेकी थिइन्, जुन हाल खा’रे’ज गरिएको छ।’

सेमेन्याले सो आदेशलाई मान्न तयार भएकी छैनन्। उनले भनिन्– ‘कुनै हर्मोन कम गर्दिनँ। म यस तरिकाको नियममा सहमत छैन। म विश्व एथ्लेटिक्सको औषधि (हर्मोन कम गर्ने औषधि) लिनेको आदेशलाई मान्ने वाला छैन। म जो छु ठीकै छु, अर्काका लागि आफूलाई परिवर्तन गर्दिनँ।’

सेमेन्याले ओलम्पिक, कामनवेल्थ गेम्समा २÷२ पटक तथा विश्व च्याम्पियनसिपमा तीनपटक स्वर्ण पदक जितेकी छन्। उनले पहिलोपटक सन् २००९ मा विश्व च्याम्पियनसिपमा भाग लिएकी थिइन्।

त्यसपछि अन्तर्राष्ट्रिय एथ्लेटिक्स महासंघ (आईएएफ) ले उनलाई लिं’ग परीक्षण गराएको थियो। परीक्षणमा उनको शरीरमा पुरुषमा हुने हर्मोन टेस्टोस्टेरोनको मात्रा बढी देखिएको थियो। परीक्षण प्रतिवेदन आएपछि महासंघले सेमेन्यालाई महिला स्पर्धामा दौड्न प्रतिबन्ध लगाएको थियो। महासंघले भनेको थियो– ‘यदि, सेमेन्याले दौड्न चाहन्छिन् भने उनलाई पुरुष स्पर्धामा छुट छ।’ तर, उनी महासंघसँग सहमत भइनन्।

सेमेन्याले कासको आदेशपछि बताएकी थिइन्– ‘मलाई भगवान्प्रति भरोसा र विश्वास छ। यो जीवन भगवान्ले दिनुभएको हो। जीवनमा के हुन्छ के हुन्न यो पनि उहाँले नै तय गर्नुहुन्छ। जब उहाँले चाहनुहुन्छ, मेरो करियर समाप्त हुनेछ । तर, जबसम्म उहाँले चाहनु हुँदैन तबसम्म कोही पनि मान्छेले मलाई रोक्न सक्ने छैनन्। मेरो यो शरीर पनि भगवान्ले नै दिनुभएको हो। म कसैले भनेअनुसार आफ्नो शरीरको कुनै पनि हर्मोनलाई कम गर्नका लागि कुनै औषधि लिन्नँ।’

पुरुषमा टेस्टोस्टेरोन हर्मोन हुन्छ। यसको मात्रा ३ सयदेखि १ हजार नौ ग्राम प्रतिडेसिलिटरको बीच हुन सक्छ। टि लेभलदेखि मुड, शारीरिक र मानसिक सक्रियता तय हुनेछ। महिलाहरूको शरीरमा उक्त हर्मोनकोे मात्रा २० देखि ३० प्रतिशत मात्रै हुन्छ। सेमेन्याको शरीरमा यो टि लेभल बढेर ४ सय देखि ५ सयको बीचमा पुगेको छ। यसैले उनी अन्य महिला धाविकाभन्दा धेरै बलियो देखिएकी हुन्।

Categories
खेलकुद

रंगभेदको आरोप लगाउँदै नेयमारले भने- ‘गोन्जालेजलाई मुखमा नहिर्काएकोमा मलाई पछुतो छ’

एजेन्सी । रंगभेदको आरोप लगाउँदै पेरिस सेन्ट जर्मेनका स्टार नेयमारले मार्सेका डिफेन्डर अल्भारो गोन्जालेजलाई मुखमा नहिर्काएकोमा आफूलाई पछुतो रहेको बताएका छन् । आइतबार पीएजसी र मार्सेबीच भएको खेलमा दुई टोलीका खेलाडीहरु इन्जुरी समयमा एक आपसमा भिडेका थिए । झडपमा भाग लिएका दुई टोलीका पाँच खेलाडीलाई रातो कार्ड देखाइएको थियो ।

गोन्जालेजको टाउकोमा पछाडीबाट हिर्काएकोमा नेयमारलाई पनि रातो कार्ड दिइएको थियो । मैदानबाट निस्कने क्रममा उनले स्पेनिस डिफेन्डरमा रंगभेदको आरोप लगाए । खेलपछि सामाजिक सञ्जालमा आक्रोश पोख्दै उनले थपे, ‘त्यसलाई मुखमा नहिर्काएकोमा मलाई पछुतो छ ।’

मार्सेका म्यानेजर आन्द्रे भिल्लास बोआसले भने गोन्जालेजको समर्थन गर्दै एन्जेल डि मारियाले आफ्ना एक खेलाडीमाथि थुकेको आरोप लगाए । गोन्जालेजले रंगभेदी टिप्पणी गरेको बारे गरिएको प्रश्नमा उनले भने, ‘मलाई लाग्दैन, किनभने अल्भारो अनुभवी खेलाडी हुन् ।

फुटबलमा रंगभेदको स्थान छैन, तर मलाई यहाँ यस्तो भएको लाग्दैन ।’ खेलमा पीएसजी १–० ले पराजित भएको थियो । सन् १९८४–८५ सिजन यता पीएसजी शुरुवाती दुई खेलमा पराजित भएको यो पहिलो अवसर हो । पहिलो खेलमा पीएसजी लेन्ससँग १–० ले पराजित भएको थियो ।

Categories
खेलकुद

जापानकी नाओमी ओसाकाले दोस्रो पटक जितिन् युएस ओपनको उपाधि

एजेन्सी । जापानकी खेलाडी नाओमी ओसाकाले निकै प्रतिस्पर्धात्मक खेलमा भिक्टोरिया अजारेङ्कालाई हराउँदै यूएस ओपन टेनिसको उपाधि जितेकी छिन् । आइतबार विहान सकिएको खेलमा ओसाकाले बेलारुसकी भिक्टोरिया अजरेक्कलाई २-१ को सेटमा पराजित गरेर तेस्रो ग्रान्डस्लामको उपाधि जितेकी हुन्। उनको यो तेस्रो ग्रान्ड स्लाम उपाधि हो ।

पहिलो सेट १–६ ले गुमाए पनि चौथो सिडकी जापानी खेलाडीले त्यसपछिको सेटमा ६–३ र ६–३ ले पुनरागमन गर्दै उपाधि जित्न सफल भएकी हुन् । दोस्रो सेटमा पनि ३–० ले पछि पर्ने खतरामा रहेकी उनले त्यसपछिका १२ मध्ये १० सेट जितेकी थिइन् ।

उनको यो तेस्रो ग्रान्ड स्लाम उपाधि हो । यसअघि उनले सन् २०१८ को युएस ओपनमा सेरेना विलियम्सलाई पराजित गरेर पहिलो ग्रान्डस्लाम जितेकी थिइन्। उनी सन् २०१९ मा अस्ट्रेलियन ओपन च्याम्पियन बनेकी थिइन्।

‘म अब अरु फाइनलमा तिमी (अजरेन्का) सँग खेल्न चाहदिन। मलाई रमाइलो लागेन किनभने एकदमै कठिन खेल थियो,’ अजरेन्काको प्रशंसा गर्दै ओसाकाले भनिन्,’अजरेन्काले बच्चादेखि नै प्रेरणा दिएकी थिइन्। म अजरेन्काकै खेल हेरेर हुर्किएकी हुुँ। मैले धेरै सिक्ने मौका पाए। धन्यवाद।’

Categories
खेलकुद

अष्ट्रेलियाले जित्यो पहिलो वनडे ,साम विलिङ्सको शतक गयो खेर

काठमाडौं । इङ्ल्याण्डविरुद्धको पहिलो एक दिवसीय क्रिकेट अष्ट्रेलियाले जितेको छ । म्यान्चेष्टरमा भएको खेलमा पाहुना टोली अष्ट्रेलिया १९ रनले विजयी बनेको हो । तीन म्याचको एक दिवसीय सिरिजमा अष्ट्रेलिया १–० ले अघि बढेको छ ।

२ सय ९५ रनको लक्ष्य पछ्याएको इङ्ल्याण्डले ९ विकेट गुमाएर २ सय ७५ रन मात्र बनाउन सक्यो । साम विलिङ्सले शतकीय पाली खेल्दै १ सय १८ रन बनाएपनि टोलीलाई जित दिलाउन सकेनन् । जानी बेयरस्टोले ८४ र कप्तान इयान मोर्गानले २३ रन बनाएका थिए ।

अन्यको खेलाडीको प्रर्दशन उल्लेख्य रहन सकेन । अष्ट्रेलियाका जोस हेडलहुडले सर्वाधिक ३ विकेट लिए । यसअघि, म्यानचेस्टरको ओल्ड ट्राफोर्डमा अष्ट्रेलियाले ५० ओभरमा ९ विकेट गुमाएर २ सय ९४ रन बनायो । तीन खेलको सिरिज अन्तर्गतको दोस्रो एकदिवसीय भोली हुनेछ भने अन्तिम खेल बुधबार हुनेछ ।

Categories
खेलकुद

सेरेनालाई हराउँदै अजारेन्का युएस ओपनको फाइनलमा प्रवेश

एजेन्सी-यूएस ओपन टेनिसको सेमिफाइनलबाट सेरेना विलियम्स बाहिरिएकी छिन् । सेमिफाइनलमा बेलारुसकी भिक्टोरिया अजारेन्कासँग पराजित भएपछि सेरेना बाहिरिएकी हुन् ।

न्युयोर्कमा भएको खेलमा २४ पटकको ग्राण्डस्लाम विजेता सेरेनाले पहिलो सेट ६÷१ ले आफ्नो बनाएकी थिइन् । तर, त्यसपछिका सेटमा भने पराजित भईन् ।

३१ वर्षिया अजारेन्का तेस्रो पटक युएस ओपनको फाइनल पुगेकी हुन् । अब अजारेन्काले उपाधिका लागि जापानी खेलाडी नाओमी ओसाकासँग खेल्ने छिन् ।

Categories
खेलकुद

आईपिएलको पहिलो खेलमा रोहित शर्मा र धोनीको भिडन्त, सन्दिप लामिछानेको खेल कहिले ? (तालिकासहित)

काठमाडौं : इन्डियन प्रिमियर लिग(आईपीएल) १३औं संकरणको खेल तालिका सार्वजनिक भएको छ । भारतीय क्रिकेट कन्ट्रोल बोर्ड (बीआइसीसी) ले आइतबार खेल तालिका सार्वजनिक गरेको हो।

सेप्टेम्बर १९ देखि नोभेम्बर ३ सम्म लिग चरणका ५६ खेलको तालिका सार्वजनिक गरिएको छ । पहिलो खेल सेप्टेम्बर १९ मा मुम्बइ इन्डियन्स र चेन्नई सुपर किंग्सबीच आबुधाबीमा हुनेछ।

सेप्टेम्बर महिनाभर हरेक दिन एक–एक खेल मात्रै हुने गरी तालिका बनाइएको छ । अक्टोबर लागेपछि शनिबार र आइतबार २–२ खेल हुनेछन् । यूएईको दुबई, अबुधाबी र सारजाहमा गरी तीन रंगशालामा खेल हुनेछ ।

नेपानका युवा क्रिकेटर सन्दीप लामिछाने आवद्ध दिल्ली क्यापिटलले दोस्रो दिन किंग्स ११ पञ्जावको सामना गर्नेछ । कोरोना संक्रमणको महामारीका बीच सुरु हुन लागेको आइपीएलका लागि सबै टोलीका खेलाडी, प्रशिक्षक, व्यवस्थापकहरु करिब एक महिनाअघि देखि नै युएई पुगेर निश्चित समय क्वारेन्टाइनमा बसी प्रशिक्षणमा सहभागी भइरहेका छन्।